كبك كيك ألوان سهل وسريع

كب كيك ألوان للأطفال وأعياد الميلاد شيك وجميل

المقادير: 

3 بيض 

كوب وربع دقيق (ممكن نحتاج اكتر) 

نص كوب زيت

كوب سكر

معلقة كبيرة بيكنج بودر

فانيلا

الطريقة:

تضربي البيض والسكر بالمضرب كويس

ثم يضاف الزيت ونضرب تاني كويس

ثم يضاف الدقيق والبودر والفانيليا ونضرب كويس 

نقسم العجينة جزئين ونضيف الالوان وكل جزء يكون ليه معلقة لوحدة

ونحط في اكواب الكب كيك معلقة كبيرة من العجين الاحمر وجنبه معلقة كبيرة من العجين الأخضر

مع العلم ان يجب ان نترك تلت كوب الكب كيك فاضي

وندخل الكب كيك فرن متوسط الحرارة

ولما يستوي ويبرد

هنضرب كريم شانتيه ونقسمه لثلاث اجزاء

كل جزء عليه لون احمر واصفر واخضر

ونجيب كيس حلواني ونحط فيه معلقتين من كل كريم شانتيه لون

ونبدأ بالضغط على على الكيس هنلاقي الكريم شانتيه نازل بألوان متداخلة زي الصورة بالظبط 

وبس كدة

كنافة بالمانجة

كنافة بالمانجة 😋

المقادير :
نص كيلو كنافة
كوب الا ربع سكر بودرو
كوب الا ربع سمن سايحة

الطريقة : 
يتم تقطيع الكنافة جيدااااا لقطع صغيرة جدا
ثم يتم إضافة السكر بودرة ويتم تقليب الكنافة جيدا
ثم يضاف السمن وتقلب ايضا جيدا
ونفرد الكنافة في الصينية   ونضغط عليها حتي يتساوي الوجه
وتوضع في فرن متوسط الحرارة حتي يتغير لونها للون الذهبي
ثم يضاف الشربات البارد 
و وإضافة شرائح المانجه

البرادعى انسحب يا ميييييييييينز :(

البرادعى اعلن انسحابه من سباق الرئاسة...سواء وجود البرادعى فى سباق الرئاسة او عدم وجوده فى الحالتين كلمته مؤثرة
و الناس اللى بتقول انه انسحب علشان عارف انه مش هيكسب تفكيرهم عقيم ما يعرفوش مين هو البرادعى
بس كده مش هقول كلام تانى

انا مش انا على فكرة

سنة २०११ اسوأ سنة فى حياتى مرت عليا...ااااااااااه ياربي بس الحمد لله على كل حاجة॥... زىما انا بضحك نفس الضحكة الرقيعه و سلمى كبرت شوية و اختى هتتجوز...و انا بقيت فى سنة رابعه يارب انجح على خير بقى...كل يوم اقول همسح البلوج و انسى ...يس خلاص مش همسحها انا هسيبها كده ادخل افرفط فرفطة التنين فيها و مش هقول لحد عليا.....لو حد لقالها صدفة و دخل هنا احب اقوله"عبوكو كلكو" ههههههه...عندى امتحانات على فكرة و يارب انجح بقى...عايزة اكتب كلام كتير بس مش وقته بقى...انا حبيت امسى بس

ناس بتتقتل .... و ناس بتشم هوا (جمعة الغضب)

اكيد كلنا عارفين ان يوم جمعة الغضب.....يوم عمر ما حد فينا هينساه...انا قلبى كان مقبوض....و كنت خايفه اوى و حالة التعتيم الاعلامة.....كان يوم كلنا مترقبين ايه اللى هيحصل....التليفون بيرن.....الو....ازيك يا اسراء....الحمد لله...ازيك يا شيماء عاملة ايه؟.....الحمد لله كويسة...ان شاء الله انا هاجى انا و زوجى عندكم انهاردة....بجد؟....اه و الله...طيب توصلى بالسلاامة.........شيماء دى صاحبة اختى من ايام الجامعة اختى بردو اسمها شيماء ...كانت شيماء بتيجى تقعد عندنا فى الدراسة لانها مش بتستريح فى المدينة ...... خلصت جامعة من اربع او خمس سنين ..... بس لسه فاكرانا و بتتصل بينا على طول..... هى من الفيوم على فكرة....و اتجوزت و قاعدة فى القاهرة.....المهم عرفت البيت ان شيماء هتيجى....بس انا لما فكرت شوية...قولت ازاى تيجى فى يوم زى ده.... دى الدنيا مقلوبة خااااالص........ المهم انا عارفه ان شيماء ما شاء الله عليها متدينة جدا و اتنقبت و جوزها ما شاء الله من السلفيين و حاجة اخر حلاوة.....يعنى هيقضوا اليوم فى امن الدولة رسمى.......اتأخرت كتير جدااا و انا كنت قلقانة اوى و الله و قولت شكلهم اتاخدوا........... بس هى وصلت الحمد لله.... و بعد ما استريحت هى و جوزها...بنكلمها على المظاهرات....بتقول مظاهرات ايه؟!...... و كانت فى عالم تانى هى و جوزها......لان مش عندها تلفزيون (علشان حرام)....... و لما الليل قرب كانت عايزة تمشى هى و زوجهااا.......بس طبعا مسكنا فيها و مش خلينها تروح و نامو عندنا يومها..... بس لما الساعة جت ९ اخدت جوزها و نزلوا يتفسحوا فى بنها هههههههههههههه.....حاجة اخر روقان ....بنها بردو كان فيها مظاهرات....... هى دى الناس الرايقة...!!!!

من بداية २०११ اللى شكلها هتبقى سنة تييت

هاى عليكم .....ايه رأيكم فى السنة الجديدة...بغض النظر عن البرلمان المزور....و بغض النظر عن الريس اللى قاعد على نفسنا لما هنفطس..... و لا تونس و اللى عمله ॥و ثورة الياسمين ..........و احنا فى مصر مش قادرين حتى نعمل ثورة البرسيم......بلا نيلة .....بجد فى الشباب تايه جداااا......مابين الموضه و عمرو دياب و تامر حسنى و لا الموقع الاباحية و الافلام و السينما...بجد دماغنا بقت فاضية مع ان زمان كان شباب الجامعات ليهم كلمة مسموعة......و ان طلعنا لطبقة اعلى شوية فى العمر هنلاقيهم تايهين بردو ......مابين هاكل العيال منين و لا مصاريف المدارس و الشغل و اللىبي حصل فيه ..........بجد غضب ربنا نازل علينا و احنا السبب....كلنا بعيد عن الدين سواء كنت مسلم او مسيحى لو كل واحد التزم صح......هنعيش عيشة كويسة......بلا وجع دماغ....اسكتى يا بس شوية....... كنت عايزة اقول كل سنة و انتو طيبين...بس متأخرة شوية ॥يلا باى

نشرة الاخبار من محاضرة الاسمبلى

هاااااااااااااااااااااااااااااى.........انا مش عارفة اقول ايه.....انا مش عارفة اعيد ايه.......انا مش عارفة ازيد ايه.......انا قرفت و اتخنقت خااااااالص......انهاردة بقى فى محاضرة الاسمبلى...انا قولت فى بالى ايه بدل ما اقعد اركز مع الدكتور اللى عمرى ما ركزتله.....انا هسجل تصرفاتنا فى المحاضرة..... انا قاعدة عينى بتلف يمين شمال زى مروحة توشيبا...... زينب جنبى شوية تركز و شوية تنام و شوية نتكلم مع بعض.....بسمة حاطة ايديها على خدها و تنح للدكتور شوية و تقوم صابة اللى شربته فى الكشكول.....و انا اهو و انتى اهو لو كنتى فهمتى حاجة هههههههههههه......جنبى بقى بنت اسمها صباح مش ليا تعامل معاها اوى...بس هى قاعدة شوية تركز و شوية تسرح...شكلها بتحب ايه هههههههه.....جنبها دعاء ما شاء الله بت دحاحه اخرحاجة......امل...امولتى....امل حياتى.....نايمة على البنج و قدامها مها و الاتنين بيرغو مع بعض....نازلين كلام على الاخر طول المحاضرة.....اما بقى فى البنج اللى ورايا .........نهاد و الاء بيلعبوا العاب بتاعة الاطفال دى على روق و بيقولوا نكت.....مافيش مانع انى اوقات كنت بتدخل فى وسط كلامهم......و جنبهم نادين....عمالة تلعب فى الموبايل,,,,,,لما هينطق و عيقولها ارحمينى............. الشباب بقى... نووووووووور.....هههههههه... نور ده نكت بيقعد طول المحاضرة متنح و لا بيفهم ههههههههه .......الدكتور قاله انت فهمت....اكيد فهمت انت قاعد مركز طول المحاضرة.....قاله لا يا دكتور مافمتش حاجة ههههههه.....و بقية الشباب بقى اللى قاعد على النت و اللى بيلعب فى موبايله و بينقل رنات و بيتكلم مع صاحبه ......و لا بعيد فى البينج الاول مع اميرة و نهال و نجوى و بشرى....اميرة تحكى على خطيبها,,,,,,ة يتكلموا فى الموضة و المكياج و الكلام الفاضى بتاع البنات ده....استغفر الله....الشر بره و بعيد............ و لا ماريان و نانسى و امل....بيقضوها ضحك و ينتهى الامر بهم اما بالتهزيق او بالطرد..الكرت الاحمر يعنى.....و كانت معكم سوسو من محاضرة الاسمبلى